თავკავთა, საფეხმავლო ტური

მოკლე მანძილებზე სალაშქრო ტურის მოყვარულებს, გვინდა შემოგთავაზოთ საფეხმავლო ბილიკი საქართველოს ისტორიულ და ულამაზეს ხეობაში რომელსაც კავთურის ხეობას უწოდებენ. მდებარეობს საქართველოს ცენტრალურ ნაწილში (შიდა ქართლში) გამოირჩება ულამაზესი მდინარის კალაპოტით, შერეული წიწვოვანი და ფოთლოვანი  ტყით და ისტორიული ძეგლებით. გზად მოგხიბლავთ სალი კლდეების ხედები რომელიც ბილიკს ახლავს. ამ ხეობას ასევე სტუმრობენ კანიონინგის მოყვარულები რადგან, მდინარე გამოირჩევა მცირე და საშუალო ზომის  ჩანჩქერების სიმრავლით. რაც მთავარია  ამ მოგზაურობაში გამორჩეულ კულტურულ ძეგლებს შეხვდებით. ეს ყველაფერი ერთად კი თავზ განსაკუთრებით ეგზოტიკურ მოგზაურობაში გაგრძნობინებთ.

ტურის პარამეტრები

სირთულე: მარტივი ან საშუალო. დამოკიდებულია თქვენს ფიზიკურ მონაცემებზე

მინ. სიმაღლე: 950 მ

მაქ. სიმაღლე: 1336 მ

ხანგრძლივობა: 6 სთ

ვერტიკალური აღმასვლა: მკვეთრი 650 მ

ვერტიკალური დაღმასვლა: მკვეთრი 650 მ

მარშრუტი

თბილისიდან გავემგზავრებით სოფელ წინარეხის მიმართულებით. აქედან იწყება  ისტორიული მოგზაურობა. მოვინახულებთ მაღალაანთ კოშკებს  (1679წ).  გზას განვაგრძობთ სატრანსპორტო საშუალებით. დაახლოებით 2 კილომეტრში  ვიწყებთ საფეხმავლო ტურს თავკავთის ეკლესიის მიმართლებით.  გზად შეგხვდებათ უძველესი სოფელი პარეტისს საიდანაც უკვე საფეხმავლო ბილიკზე  მოგვიწევს მდინარის თანხლებით მოგზაურობა. მხედველობაში უნდა გვქონდეს რომ მოგვიწევს მინიმუმ ერთხელ მდინარის გადაკვეთა. მდინარე მცირე ზომისაა რაც გვაძლევს საშუალებას უსაფრთხოდ გადავკვეთოთ. მომდევნო მონაკვეთი მკვეთრი აღმასვლით გრძელდება რაც საბოლოდ მოგვიყვანს დანიშნულების ადგილას, თავკავთის ეკლესიასთან. თარიღდება მეცამეტე საუკუნით. კლესიასთან მდებარე გადასახედიდან გადაიშლება ულამაზესი ხედები. მცირედით შევისვენებთ დავათვალიერებთ გარემოს და იგივე გზით დავბრუნდებით ჩვენი მოგზაურობის საწყის წერტილთან. გზად საშუალება მოგეცემათ შეისვენოთ  ნახევარი საათი და  მდინარეში იბანაოთ. ტური გრძელდება სატრანსპორტო საშუალებით  ქვათახევის მიმართულებით სადაც მოვინახულებთ ამავე სახელწოდების მამათა მონასტერს  (XII-XIII საუკუნეები) აქ ტური სრულდება და საშუალება მოგეცემათ ბუნების წიაღში მოაწყოთ პიკნიკი და დაისვენოთ.