ველოტური არხოტის უღელტეხილზე

საქართველოს ჩრდილო აღმოსავლეთი, კავკასიონის ქედები, განსაკუთრებული ადგილობრივთა წეს ჩვეულებები, კულინარია და უძველესი ინფრასტრუქტურა. ეს ხევსურეთია საქართველოს ერთერთი მარგალიტი.  დედაქალაქიდან 130 კილომეტრში დაახლოებით 3 საათიანი მგზავრობის შემდეგ მოვექცევით საქართველოს ერთერთ ყველაზე მაღალ არხოტის უღელტეხილზე 2970 მეტრზე. აქედან იშლება საქართველოს კავკასიონის ხედები. მომზადების და ინსტრუქტაჟის შემდეგ ვიწყებთ დაშვებას სოფელ როშკას მიმართულებით ულამაზესი ჭაუხებების მწვერვალების ფონზე. დაშვება ფართო გრუნტის საავტომობილო გზაზე საშუალებას იძლევა შედარებით მაღალი სიჩქარით ვისიამოვნოთ, მაგრამ გასათვალისწინებელია მჭრელი ქვები და სერპანტინებთან არსებული ხევები. ჩავივლით სოფელ როშკას და მის მომდევნო ექსტრემალურ სერპანტინებს. აქ გზა განსაკუთრებით უსწორმასწოროა და მეტი სიფრთხილე გმართებთ. შემდეგ გადავდივართ ასფალტის გზაზე და ტურის სამთო ველოტურიდან ინაცვლებს საგზატკეცილო ტიპის ტურზე სოფელ  თვალივამდე. აქ დაგხვდებათ ჩვენი ტრანსპორტი რომელიც უზრუნველყოფს თქვენს დაბრუნებას შეკრების ადგილამდე.

განრიგი

გრაფიკი მოცემულია დაახლოებით, რადგან  მაინც დამოკიდებულია ჯგუფის გადაადგილების სიჩქარეზე.

12:20 სთ არხოტის უღელტეხილი (2970)მ

13:00 სთ სოფელი როშკა (შესვენება)

14:30 სთ სოფელი კორშა

16:00 სთ ჩარგლის გადასახვევი (შესვენება)

18:00 სთ სოფელი თვალივი (ფინიში)

სირთულე: ტექნიკური 5/10 ბალი , ფიზიკური 6/10 ბალი

გამოცდილება

ველო მოგზაური ამ ტურისთვის საშუალო დონეზე მაინც უნდა ფლობდეს ველოსიპედს, რომ გაუმკლავდეს უსწორმასწორო გრუნტის გზებს და მკვეთრ მოსახვევებს. ასევე დიდია რისკი მოულოდნელად მჭრელმა ქვებმა დაშვებისას საბურავი გახეთქოს, რისთვისაც უნდა იყოთ მზად რათა გაუმკლავდეთ ამ მომენტს მოხერხებულად.