ველოტური ალგეთის ეროვნულ პარკში

თვალ უწვდენელ ველები, მთის მწვერვალებზე გამავალ უძველეს სავაჭრო საქარავნე გზები, ბუნებრივად შექმნილი კლდის ეპიკური კარიბჭე და დერეფნები, რომლებიც ტიტანების სამყოფელს მოგაგონებთ. მოგზაურობა საქართველოს ერთერთ ულამაზეს დაცულ ტერიტორიაზე, ეს ალგეთის ეროვნული პარკია. ტური ვითარდება  პარკის თითქმის მთელს ტერიტორიაზე ულამაზესი ხედების ფონზე. საშუალება მოგეცემათ დატკბეთ საქართველოს ორი რეგიონის (შიდა და ქვემო ქართლის) ხედების ნახვით, რადგან მოგზაურობა მათ გამყოფ ქედებზე მიმდინარეობს. მოინახულებთ სოფელ  ნამტვრიანს რომელიც შუაგულ ტყეში მდებარეობს. აქ  შეგეძლებათ ადგილობრივ სამზარეულოს დაგემოვნოთ სადაც მასპინძლობას ქალბატონ თინა წიკლაური გაგიწევთ. მოგზაურობა შერეულ (წიწვოვან და ფოთლოვან) ტყეში გრუნტის უსწორმასწორო გზებზე მიმდინარეობს, რაც განსაკუთრებულ ხიბლს სძენს მთთვის ვინც გატაცებულია სამთო ველომოგზაურობით.  ტურშის განმავლობაში მოგიწევთ დალაშქროთ ქედების მწვერვალები და განახორციელოთ დაშვებები რომლის ერთობლიობაც თავგადასავალის და მძაფრი შეგრძნებების ერთობლიობას ქმნის.

ტურის განრიგი

გრაფიკი მოცემულია დაახლოებით, რადგან  მაინც დამოკიდებულია ჯგუფის გადაადგილების სიჩქარეზე.

11:00 სთ სოფელი ჩოლმანი

12:00 სთ კლდეკარის კლდის  კარიბჭეები

15:00 სთ სოფელი დიდ ნამტვრიანი

18:00 სთ მანგლისი

სირთულე

ტექნიკური 4/10 ბალი , ფიზიკური 6/10 ბალი

გამოცდილება

მთაში გრუნტის უსწორმასწორო გზებზე, სადაც რელიეფს კლდოვანი, დამრეცი და მიხვეულ მოხვეულია, ველომოგზაურის მთაში მოგზაურობის გამოცდილებას და ფიზიკურ მომზადებას მოითხოვს. ტური არ გამოირჩევა განსაკუთრებულად სახიფათო ექსტრემალური მონაკვეთებით რაც საშუალებას აძლევს დამწყებ სამთო ველომოყვარულსაც თამამად სცადოს ბედი ამ ბილიკზე.