ველოტური ვაშლოვანის დაცულ ტერიტორიებზე

ვაშლოვანის დაცული ტერიტორიები მდებარეობს საქართველოს უკიდურეს სამხრეთ აღმოსავლეთში, კახეთის რეგიონში. ეს ტერიტორია წარმოადგენს ნახევრად უდაბნოს და შესაბამისად ჰავა მშრალი და მკაცრია. ზაფხლში ძალიან ცხელი და ზამთარში ძალიან ცივი. ასევე შეხვდებით იშვიათი ჯიშის მცენარეებს, ქვეწარმავლებსა და ცხოველებს.  აქ მოგზაურობა შესაძლებელია წელიწადის ნებისმიერ დროს. დაბრკოლებას მხოლოდ წვიმიანი ამინდ ქმნის, რომელიც გადაადგილებას ფაქტიურად შეუძლებელს ხდის. ვაშლოვანის დაცული ტერიტორიის მასშტაბებიდან გამომდინარე  ველოტურიც საკმაოდ  დიდ მანძილზე მიმდინარეობს.  სამოგზაურო რელიეფი გრუნტის სამანქანო გზაა.

ჭაჭუნას აღკვეთილი.  თვალუწვდენელ პეიზაჯებზე მიმავალი გრუნტის სამანქანო გზა, რომელზეც მიმდინარტეობს ტური. ეს ადგილები ზამთრის საძოვრებია მთიდან ჩამოყვანილი ცხვრის ფარებისთვის რომლესაც ადგილობრივი ჯიშის ეგზოტიკური და უზარმაზარი ნაგაზები დარაჯობენ რომელსაც უნდა ვერიდოთ. ასევე ეგზოტიკური და წითელ წიგნში შეტანილი ცხოველების ადგილსამყოფელია. რაც შეეხება გზის სირთულეს უმარტივესია როგორც ფიზიკურად ისე ტექნიკურად. მხოლოდ და მხოლოდ იზღა დაგრჩენიათ დატკბეთ ველოსიპედით სეირნობით და პეიზაჟების თვალიერებით. მოვინახულებთ ივრის წყალსაცავს, დალის მთის ხედებს და ტახტითეფას ტალახის ვულკანებს.

ველოსიპედით გასავლელი მანძილი:  50 კმ

ტურის სირთულე: ტექნიკურად მარტივი, ფიზიკურად რთული

ტურის უმაღლესი წერტილი: 880 მ

შირაქის ველი, მიჯნისყურე. ტერიტორია რომელზეც უნდა ვიმოგზაუროთ სასაზრვროა. შესაბამისად შესვლამდე გავდივართ რეგისტრაციას სასაზღვრო პოლიციაში რის შემდეგაც ქალაქ დედოფლისწყაროდან მოშორებით 10 კილომეტრში ვიწყებთ ველოტურს შირაქის ველზე. თვალუწვდენელი ხორბლის, ჭვავის და მზესუმზირის ველები რომელთა შორის ჯერ საგზატკეცილო შემდეგ გრუნტის გზებით მის სიღრმეებში შევიჭრებით. მოგზაურობას თან ახლავს კავკასიონის მთების პეიზაჟები რომელიც გულგრილს არ დაგტოვებთ.  40 კმ_ს შემდეგ ვინაცვლებთ დაცულ ტერიტორიაზე გრუნტის მარტივ გზებზე სადაც შეხვდებით მეცხვარეების ნასოფლარებს უნიკალურ მცენარეებს და ხეებს რომელიც ხარობენ ნახევრად უდაბნოს მშრალ და მკაცრ პირობებში. ამ დღის ბოლო ეტაპი  მშრალი ქვიშიან და კლდოვან კანიონში გადის, რომელიც თავს ნამდვილ მოგზაურად გაგრძნობინებთ. ფირნიში მიჯნისყურეა მდინარე ალაზანთან რომელიც საზღვრად გასდევს საქართველოსა და აზერბაიჯანს. 

ველოსიპედით გასავლელი მანძილი:   75 კმ

ტურის სირთულე: ტექნიკურად მარტივი, ფიზიკურად საშუალო

ტურის უმაღლესი წერტილი: 603 მ

სამუხის ველი, პანტიშარას ხეობა.  სამუხის ველი: გადაშენების პირას მყოფი უნიკალური წვრილფეხა ჩლიქოსანი ცხოველების (ქურციკების) ადგილსამყოფელი და კიდევ ერთი გამოსაზამთრებელი ადგილი ცხვრის უზარმაზარი ფარებისთვის. თქვენ გელით ველომოგზაურობა  მცირემაშტაბიან მთათა სისტემასთან რომლებსაც ალესილებს უწოდებენ. მარტივი გრუნტის სამანქანო გზა მდინარის კალაპოტს უერთდება, რომელიც გვაკავშირების პანტიშარას ხეობასთან. აღმართის დაძლევა და ეპიკურ ხეობაში შესვლა ეს არის ამ ტურის მეორე ეტაპი სადაც დაგხვდებათ მერცხლების ქალაქი, ნიჟარების უამრავი არტეფაქტი რომელიც ადასტურებს იმ ფაქტს რომ ადრე ეს ადგილი მთლიანად წყლით იყო დაფარული. ტურის დასასრულს გამოვემგზავრებით დედაქალაქში კომპანიის ავტოტრანსპორტით, რომელიც ამ მოგზაურობის მანძილზე სულ თქვენს შორიახლოს იქნება.